Мемлекет басшысының Жарлығымен Дәурен Әскербекұлы Абаев Қазақстан Республикасының Мәдениет және спорт министрі лауазымынан босатылды.
Дәурен Абаев әл-Фараби атындағы Қазақ ұлттық университетін (2001), Лейден университетін (2006) тәмамдаған.
2001-2003 жылдары – ҚР Сыртқы істер министрлігінде референт, атташе, үшінші хатшы;
2003 жылы – Қазақстан Республикасының Әзербайжандағы елшілігінде үшінші хатшы;
2003-2007 жылы – Қазақстан Республикасының Нидерландыдағы істеріне сенімді уәкіл, екінші хатшы;
2007 жылы – ҚР Сыртқы істер министрлігінің баспасөз қызметі бөлімінің бастығы;
2007-2008 жылдары – сарапшы, ҚР президенті хаттамаларының консультанты;
2008-2009 жылдары – ҚР президенті баспасөз хатшысының орынбасары;
2009-2011 жылдары – ҚР президенті әкімшілігінің мемлекеттік инспекторы;
2011 жылы – Қазақстан Республикасы президентінің баспасөз хатшысы;
2013 жылы ҚР президентінің кеңесшісі;
2016 жылы – ҚР Ақпарат және коммуникациялар министрі болып тағайындалды.
2019 жылдың 25 ақпанында Елбасының Жарлығымен қайта құрылған Ақпарат және қоғамдық даму министрі болып тағайындалды
2020 жылдың 4 мамырында Мемлекет басшысының Жарлығымен Қазақстан Республикасы Президентінің Әкімшілігі Басшысының бірінші орынбасары болып тағайындалды.
2022 жылғы 11 қаңтардан бастап Мемлекет басшысының жарлығымен ҚР Мәдениет және спорт министрі болып тағайындалды.
2023 жылы 4 қаңтарда Мемлекет басшысының жарлығымен ҚР Мәдениет және спорт министрі қызметінен босатылды
«Қазақстан Республикасының мемлекеттік хаттамасы» кітабының соавторы (2010).