Astana Media Week-2022 аясында ҚР Ақпарат және қоғамдық даму министрі Дархан Қыдырәлі UNICEF-тің Қазақстандағы Өкілінің Орынбасары Летисия Баззи-Вейлмен кездесті, деп хабарлайды El.kz.
Бұл туралы Қазақстан Республикасы Ақпарат және қоғамдық даму министрлігі хабарлады.
Кездесу барысында балалар құқығын қорғау, кибербуллингпен күрес, балалар контенті мәселелері талқыланды.
UNICEF халықаралық ұйымның басым бағытының бірі жастармен жұмыс екені белгілі. Осы орайда Дархан Қыдырәлі Летисия Баззи-Вейлге Жастар саясаты туралы Заң жобасындағы өзгерістер және жастарға байланысты министрліктің бірқатар жобаларымен таныстырды.