Катар астанасы Дохада басталған әлем чемпиоатында үшінші күнінде ҚР ұлттық құрамасының мүшесі Данияр Шамшаев алғашқы кездесуінде жеңіске жетті, деп хабарлайды El.kz ақпараттық агенттігі.
Отандасымыз 73 келіге дейінгі салмақ дәрежесінде түрік балуаны Умалт Демирелді басымдықпен жеңіп, келесі айналымға шықты. Енді ол Италия балуаны Мануэль Ломбардамен күреседі.
Осы салмақтағы екінші балуан Жансай Смағұлов аталған сындағы жарысты аяқтады. Ол татамиге шығып, іріктеу кезеңдеріндегі бірінші белдеуде халықаралық дзюдо қауымдастығы командасы атынан күресетін орыс балуаны Махмадбек Махмадбековке есе жіберді.