8 Ақпан 2016, 12:56
Жоқтық туралы
Аш - не жемес, тоқ - не демес.
Махмұд Қашқари
Аштықта жеген құйқаның дәсі кетпес.
Мақал - мәтел
Жомарттың қолын жоқтық байлар.
Мақал - мәтел
Жоқтық не жегізбейді, тоқтық не дегізбейді.
Мақал - мәтел
Жоққа жүйрік жетпес.
Мақал - мәтел
Заң туралы
Заң - адам пайдасына жазылады, адам - заң үшін тумайды ғой.
Әлихан Бөкейханов
Адам жылап отырса - оның орнына келген заң қарпі не опа бере алады?!
Әлихан Бөкейханов
Ғұмыр ісі заң хатына қашан сыйған?!
Әлихан Бөкейханов
Заң дегеніміз - ноқта.
Шерхан Мұртаза
Заңның - азы, орындалуының - көбі ләзім.
Шерхан Мұртаза
Заң - мемлекеттің тоғыз қабат, тор көзді сауыты.
Шерхан Мұртаза
Күншілдік, қызғаныш туралы
Күндестердің күлі де - күндес.
Махмұд Қашқари
Қырсыққанда қымыран іриді.
Мақал - мәтел
Қайын жұртың - міншіл, нағашы жұртың - сыншыл, өз жұртың күншіл.
Мақал - мәтел
Ағайын жоқ болсаң - бере алмайды, бар болсаң - көре алмайды.
Мақал - мәтел
Күншілдің күні қараң.
Мақал - мәтел
Көкдолыдан дәупері қашыпты.
Мақал - мәтел
Екі қарға таласса, бір құзғынға жем болар.
Мақал - мәтел
Біреудің біреу бағын көп көреді,
Біреуді біреу алдап жеп келеді.
Би-шешендер
Ағайынның ішінде бір жақсысы бар болса - түртіп оны көре алмас, басқа қиын іс түссе - ел қыдырып таба алмас.
Шернияз Жарылғасұлы
Ағайынға ала көз бола қалсаң -
Аузыңдағы несібеңді біреу жемек.
Төле би Әлібекұлы
Бақыты зордың - бақталасы да мол.
Жанақ Сағындықұлы
Күншіл адам - мұңшыл.
Жүсіп Баласағұн
Қызғаныш қайда болса - ұрыс-керіс те сонда.
Жүсіп Баласағұн
Опасызға бір түйір нан тістетпе,
Күншілге де сеніп ісің істетпе.
Жүсіп Баласағұн
Қызғанның қызыл итке жем болар.
Мақал - мәтел
Топ көрмеген - қорғаншақ, топта озбаған - қызғаншақ.
Мақал – мәтел
Көңіл-күй туралы
Кісі көңілі - түпсіз тұңғиық.
Көңілшек кісілер тез табысады.
Жүсіп Баласағұн
Ақ көңілділік - адам ойының тазалығының белгісі.
Жүсіп Баласағұн
Тілектің шегі болмайды.
Жүсіп Баласағұн
Қайғы басса - ағаш атқа жайдақ мінерсің.
Жүсіп Баласағұн
Тарыққан - қуанар, қамыққан - уанар.
Жүсіп Баласағұн
Сағыныш түбі - сүйініш.
Жүсіп Баласағұн
Қайғыру бар, сәтті бар - ащымен бірге тәтті бар.
Жүсіп Баласағұн
Қоштасу - жүрекке салмақ.
Жүсіп Баласағұн
Сараңдық туралы
Сараңнын сәбізі сарайдың түкпірінде жатады.
Мұзафар Әлімбаев
Сараңның өзі тойса да, көзі тоймайды.
Мақал - мәтел
Жағасындағыны жалаған - алақандағысынан айырылады.
Махмұд Қашқари
Сараң санға қосылмас.
Махмұд Қашқари
Сараң үйге - кісің түспесін, парақор биге - ісің түспесін.
Майқы би
Дереккөзі: «Әдеби әлем» порталы