19 Маусым 2014, 06:39
1860
Ақмола елді мекенінде пошталық бөлім ашылды.
1862
23 қазан — Сенат Ақмола мекенін аймақтық қала дәрежесінде тұрғызу туралы жарлық шығарды.
1863
16 шілде — Ақмола станицасына аймақтық қала дәрежесі берілді, оған арнайы Омбы қаласынан келген Сібір қырғыздары облысының әскери губернаторы Г.С.Фридерикс қатысты.
1863-1929
Иманжүсіп Құтпанұлының өмір сүрген жылдары.
1863
Ақмолада әйелдер училищесі ашылды.
1864-1919
Балуан Шолақтың (Нұрмағамбет Баймырзаұлы) өмір сүрген жылдары.
1864
Сібір қазақтары облысының Ақмола аймақтық қаласын колледж хатшысы Уфинцовтың алғашқы статистикалық суреттеуі.
1865
Ақмолаға А.Гейнстің келуі.
1868
21 қазан — Орталығы Омбы қаласы болған Ақмола облысының құрылуы. Ақмолаға уездік қала мәртебесі берілді. Осы жылы Ақмола облысының алғашқы елтаңбасы бекітілді.
1869-1916
Мақыш Қалтаевтың өмір сүрген жылдары.
1869
Ақмола приказын тарату.
1873
Ақмола қалалық Думасына алғашқы сайлау.
1874
25 мамыр — Ақмолада полициялық бақылау жүйесі енгізілді.
1876
Ақмола бекінісін тарату.
1878
Көкшетау - Атбасар - Ақмола телеграф желісін жүргізу.
1879
Ақмолада жергілікті әскери басшылық құрылды.
1880
Қаланы жоспарлау жүмысы жүргізіліп, алғашқы қала құрылысы жоспары бекітілді. Қалалық мұражайда 1880 жылғы қала жоспары сақталған. Ол жоспарда «Осы уақытқа дейін жоғарыдан бекітілген қала жоспары болмаған» деп жазылған. Қаланың одан кейінгі құрылысы жоспарға сай жүзеге асырылды.
1880
Бекініске жақын жерде аумағы 2,7 десятина солдат бағы отырғызылды.
1882
Қалаға алғашқы жер аударылғандар келді: Кутневский, Румянцев, Бейла Гурвич, Гусев, Лозовой, Прохоровский, Ендрушек, Брудневский, Романченко, Скоблев, Кузнецов, Бекарюков, Смирнов, өнертапқыш әрі авиақұрастырғыш А.Г. Уфимцев және т.б. Жер аударылғандар тұрғын пәтерлері үшін төлеуге айына 1 сом 50 тиыннан, сондай-ақ тәуліктік шығындар үшін: дворяндар 15 тиыннан, ал мещандар мен казактар 6 тиыннан алып тұрған.
1882-1885
Қаладағы саяси жер аударылғандар арасында болашақ Украина Ғылым Академиясының президенті А.А.Богомолецтің әкесі де болған. А. М. Богомолец чернигов дворяны әулетінен шыққан, Киев университетінде оқыған. «Киевте табылған қылмыстық үйірмелерге» қатысқаны үшін Батыс Сібірдің Ақмола қаласына үш жылға жер аударылған. Қалада ол медициналық тәжірибемен айналысқан. 1885 ж. өз қалауы бойынша Семейге ауыстырылған.
Дерекакөзі: АСТАНА энциклопедиясы