Ерке Есмаханның жеңгесі әрі алғашқы ұстазы Ләззат Нұрмахан «Қыздар-ай» бағдарламасында Еркенің балалық шағы туралы айтты, деп хабайлайды El.kz ақпараттық агенттігі.
Мен келін болып түскен кезде Ерке алты жаста болатын. Алғаш әріп үйретіп, қалам ұстатқан алғашқы ұстазымын. Атына заты сай, өте ерке болды. Мектепке баруға, сабақ оқуға ынтасы болмады. Бір үйде тұрғандықтан, мектепке жетектеп алып кетемін. Үйден шығуға дайындалып жатсақ, анасының артына тығыла қоятын. Сол жерден шықпай отырып алатын. Атамыз кішкентайынан музыкалық мектепте оқытты. Қызының әнші болғанын жан-тәнімен қалаған кісі. Ерке менің тәрбиемдегі қыз болды. Бала күнінен өнерге жақын өсті. Сахналарда ән айтып жүретін, - дейді Ләззат.