Бірыңғай жинақтаушы зейнетақы қорындағы зейнетақы активтері өсуде. Бұл туралы Үкімет отырысында Ұлттық банк төрағасының орынбасары Ақылжан Баймағамбетов айтты, деп хабарлайды El.kz.
«Жыл басынан бері зейнетақы активтері 70% пайызға, яғни 919 миллиард теңгеге ұлғайды. Зейнетақы активтері 2022 жылдың тамыз айының соңында 13,9 триллион теңгені құрады. Сондай-ақ 2022 жылдың басынан бері инвестициялық табыс көлемі 718 миллиард, зейнетақы жарналары 1097,3 миллиард, зейнетақы төлемдері 175,7 миллиард, мерзімінен бұрын алынған қаражат 848,4 миллиард теңге көлемінде болды», - деді Ақылжан Баймағамбетов.
Ұлттық Банктің деректері бойынша, зейнетақы активтерінің табысы соңғы 12 айда 8,6%-ға жеткен. Мұндай көрсеткішке жету ұзақ уақытты алды. Мәселен, жинақталған инфляция 51,4 болған кезде 5 жыл ішінде зейнетақы активтерінің жинақталған табысы 56,8 пайызды құрады.