Бүгін Қазақстан халқы ұлттық мереке – Республика күнін атап өтеді, деп хабарлайды El.kz.
Биыл 25 қыркүйекте Президент Қасым-Жомарт Тоқаев Республика күнін ұлттық мереке ретінде белгілейтін заңға қол қойған болатын.
1990 жылдың 25 қазаны күні Қазақ КСР Жоғарғы Кеңесінің қаулысымен тарихи құжат — "Қазақ Кеңестік Социалистік Республикасының мемлекеттік егемендігі туралы" Декларация қабылданды. Бұл құжат Қазақстанның нағыз тәуелсіздігіне апаратын құқықтық бастама болды.