Бүгін еліміз бойынша бірнеше бағытта ақылы жолдар іске қосылды

8 Қазан 2023, 13:48 680

Бүгіннен бастап II және III техникалық санаттағы жолдарда ақы алу жүйесін кезең-кезеңімен іске қосу процесі басталды, деп хабарлайды El.kz ақпараттық агенттігі "Қазавтожол" АҚ-на сілтеме жасап.

8 қазанан "Павлодар-Семей-Қалбатау" күре жолында ақы алу жүйесі іске қосылды. Алдағы уақытта 5 жол учаскесінде ақы алу жүйесі іске қосылады. Оның ішінде:

2023 жылдың 9 қазанында "Бейнеу-Ақжігіт";

10 қазанда "Орал-Самара";

14 қазанда "Павлодар-Омбы";

2023 жылғы 16 қазанда "Көкшетау-Петропавл" күре жолдарында жаңа өзгеріс күшіне енетін болады.

Сонымен қатар "Орал-Саратов" жолында ақы алу жүйесін іске қосу туралы бұйрық келісудің соңғы сатысында тұр.

Жеңіл көліктер төлемнен босатылды. Жол ақысын 2-6 санатқа жататын жүк көліктері төлейді:

1. жеңіл көліктер – 0 тг/км (босатылған);

2.16 орындық автобустар мен жүк көтерімділігі 2,5 тоннаға дейін – 5 тг/км;

3. 32 орындық автобустарға және жүк көтергіштігі 5,5 тоннаға дейін жүк көліктеріне – 10 тг/км;

4. 32-ден астам орындық автобустар және жүк көтергіштігі 10 тоннаға дейінгі жүк көліктеріне – 15 тг/км;

5. жүк көтерімділігі 10 тоннадан 15 тоннаға дейінгі жүк көліктері - 20 тг/км;

6. жүк көтерімділігі 15 тоннадан асатын жүк көліктері – 25тг/км.

Ай сайынғы және жылдық абоненттік төлем қарастырылған. Жазылымның айлық құны 1-ден 5 АЕК-ке дейін болады. Жылдық абоненттік құны 12-ден 60 АЕК-ке дейін болады.

Асқар Таудай