Қазақстанда алаяқтар жаңа деңгейге шыққан тәрізді. Енді олар бойжеткендерді шырмауына түсірмек, деп хабарлайды El.kz ақпарат агенттігі.
Qumash telegram-парақшасында жарияланған видео авторы алаяқтықтың жаңа түрі пайда болғанын алға тартты. Ол әсіресе бойжеткендерге сақ болу керек екенін алға тартады.
Оның сөзінше, алаяқтар алдымен өзінің құрбанына жасырын түрде гол шоғын жібереді, ал кейіннен оған гүл сататын дүкеннің өкілі ретінде хабарласып, тапсырысты алғанын растауды сұрайды. Ол үшін телефон нөміріңізге арнайы код жібереді. Егер сіз сол кодты растасаңыз, онда атыңызға несие рәсімдеуге келісім бердіңіз деген сөз. Сондықтан видео авторы бейтаныс адамнан гүл шоғы келсе, оның соңы үлкен қарызбен аяқталуы мүмкін екенін ескертеді.