Ұлттық экономика министрі Әлібек Қуантыров еліміздегі болашағы жоқ ауылдардың жағдайы туралы айтты, деп хабарлайды El.kz ақпарат агенттігі.
Бұл туралы ол Мәжіліс отырысынан кейінгі кулуарда айтты. БАҚ өкілдері министрден «елімізде болашағы жоқ, сіздердің жоспарларыңызға кірмейтін ауылдар қанша?» деп сұрады.
Тірек және спутникті болып саналмайтын 2,8 мың ауылда халықтың 10 пайызынан азы тұрады. Яғни 700 мыңнан аз адам тұрады, - деді министр.
Ал «болашағы жоқ деп саналатын өңірлердегі халықтың жағдайы қалай болмақ?» деген сұраққа:
Бұл жерде мәселе басқаша. Кейбір ауылдарда, былайша айтқанда, халықтың табиғи азаюынан халық саны кеміп жатыр. Кейбір ауылдар қалпына келтіріледі, қолдау көрсетіледі, бұл аймақтардың саясатына да байланысты, - деп жауап берді министр.