Мамандар күнделікті жұмыс барысында, отбасы жағдайында, тіпті үйге қайтар жолдағы келеңсіз жағдай адамды күйзеліске түсіретіні туралы үнемі айтады. El.kz ақпарат агенттігінің тілшісі одан арылу үшін сарапшылар айтқан мына кеңестерді ұсынады.
Салауатты өмір салтын сақтау және дұрыс тамақтанудың жолын ұсынып жүрген Жарқын Байділдәқызы күйзелістен тез шығудың жолы бұл ең алдымен адамның денсаулығына байланысты деп санайды.
Дені сап-сау немесе көңіл күйді бірқалыпты ұстап жүретін адамдар күйзеліске ұшырамайды деген сөзбен келісе алмаймын. Ағза – ол толық бір жүйе. Сол себепті стреске түсу-түспеу бұл адамның денсаулығына және мінез-құлқына да байланысты болады. Одан тез арылудың жолы - адам ағзасын артық шлактардан тазалау. Одан кейін көңіл күйге байланысты. Егер адамның ішін шлак басып, асқазаны немесе ағзасы қышқылданып кетсе, әрине, ол кезде адам күйзеліске түседі, – дейді маман.
Одан арылу үшін мамандар мына кеңестерді ұсынады:
Дүйсенбі
Дүйсенбі – диетаға отыруға тамаша күн. Сіз диетаға отыруға бел буған кезде, досыңыз немесе жақыныңыз өзі пісірген дәмді пирогты әкеледі және сіз одан бас тартасыз. Бұл жағдайда стресс гормонының бөлінуі туындайды. Бір апта ішінде тамаққа деген құлшынысты арттырады.
«Мен дүйсенбіден бастап диетаға отырамын» деуден арылыңыз және әр тамақ кезінде дұрыс тамақтануға тырысыңыз. Осылайша сіз тамақтан қашу кезінде көп көңілсіздікті сезінбейсіз.
Сейсенбі
Әр адамның жұмысы сейсенбі күні түсте ең ауыр болады. Мүмкін сіз түскі асты өткізіп жіберіп, әрі қарай жұмысыңызды жалғастыра бересіз. Бұдан сіз шаршайсыз, қарыныңыз аш болған соң күйзеліске түсесіз. Сізге тым болмаса тек қара шай ішу керек немесе алдын ала дайындаған тағамдарды жеу керек.
Сәрсенбі
Келесі күні өзіңізді жақсы сезіну үшін кем дегенде 7 сағат ұйықтауыңыз керек. Егер сіз түнде теледидар көру сізді босаңсытып, ұйықтауға дайындайды деп ойласаңыз, қателесесіз. Керісінше, бұл сіздегі күйзеліс гормоны (кортизол) деңгейін жоғарылатады.
Жұмыс күндері қанша ұйықтайтыныңызды ұмытпау үшін дабылды орнатыңыз. Осылайша сіз ұйықтайтын уақыт келгенін есте сақтайсыз.
Бейсенбі
Аптаның соңы дерлік. Мүмкін бүгін дәрігерге бару үшін жақсы күн шығар. Өкінішке қарай, бәрі сіз сияқты ойлайды. Бірақ бейсенбіде әдетте емханада кезек болады. Егер сіз дүйсенбіге жазылсаңыз, жақсы болады. Осылайша, сіз күтуге уақыт жұмсай отырып, күйзеліске ұшырамайсыз.
Жұма
Жұма күні түстен кейін сіз демалыс режиміне ауысатын шығарсыз. Әлеуметтік желілерде уақыт өткізгенде, келесі аптада бірнеше тапсырманы орындауға уақыт болу керек екенін түсінесіз. Содан кейін сіз күйзеліске түсе бастайсыз.
Алдын алу үшін жұма күні түстен кейін сіз күнтізбеңізді қарап шығуға және келесі аптаның кестесін жасауға 15 минут уақытыңызды бөліңіз. Тұрақты жұмыс сіздің стресіңізді азайтады және дүйсенбі күні таңертең ыңғайлы болады.