Батыс Қазақстан облысында екі тұрғынды жылан шағып алды, деп хабарлайды El.kz ақпарат агенттігі.
БҚО денсаулық сақтау басқармасының баспасөз қызметінің мәліметінше, осы жылы жылан шағып алған екі адам ауруханаға түскен. Олар уды асқындырмай тұрып келген.
Сондай-ақ басқарма жедел жәрдем келгенге дейін алғашқы медициналық көмекті қалай көрсету керектігін айтты.
Зардап шегушіні көлденең қалыпқа жатқызып, тыныштандыру керек. Зақымдалған аймақтан киім мен әшекейлерді шешіп тастаңыз, бұл қан айналымының бұзылуына және ісінуді күшейтуі мүмкін.
Егер шаққан жыланның улы екені белгілі болса, алғашқы медициналық көмек көрсету шаралары дереу жүзеге асырыла бастайды. Тістеген жерді жіппен немесе басқа құралдармен жоғары тартып байлап, шұғыл түрде жақын жердегі жедел жәрдем бөліміне бару керек, - деді облыстық денсаулық сақтау басқармасы.