Индонезияның Бали аралына баратын туристер саны қолдан қысқартылуы мүмкін, деп хабарлайды El.kz ақпараттық агенттігі.
Шетелдік туристерге квота енгізу бастамасы туралы арал губернаторы Ваян Костер мәлімдеді.
Шенеуніктің айтуынша, бұқаралық туризмді шектеу керек. Ол үшін арнайы бағдарлама да жасалмақ. Соған сәйкес шетелдіктер елге баратынын бір жыл бұрын мәлімдеп, кезекке тұруы қажет.
Костер қатаң шараларды енгізуге демалушылардың өз-өзін ұстауы себеп екенін айтады.
- Көптеген туристер, әсіресе Ресейден келетіндер бұзақылық жасайды, - деп атап өтті губернатор.