Цифрлық даму, инновациялар және аэроғарыш өнеркәсібі министрі Бағдат Мусин ұлы Білім инновация лицейіне емтихан тапсырар сәтте қатты қобалжып тұрғанын атады, деп хабарлайды El.kz ақпарат агенттігі.
Министр баласының арнайы мектепке қабылдануы үшін емтиханға әйелімен бірге келгенін әлеуметтік желіде жазды.
Алдияр баламызды өзім білім алған КТЛ-ға оқуға түсу үшін емтиханға әкелдік. Ұзақ жол, белестер, небір шыңдар әлі алда. Бірақ, үлкен жеңістер алғашқы қадамнан басталады. “Баласы бәйгеге шапқанда, ата-анасы тақымын қысады” дегендей, кішкене өзімде де қобалжу бар. Сәттілік тілеймін балам, - деді ол жазбасында.