Аюсай шатқалында Құрманғазы атындағы Қазақ ұлттық халық аспаптар оркестрінің ашық концерті өтті, деп хабарлайды El.kz «QazaqGeography»-ге сілтеме жасап.
Шатқалға келген 500-ден астам көрермендер мен тыңдаушылар үшін еркін кіріп-шығу ұйымдастырылды, сондай-ақ Үлкен Алматы шатқалына бұрылудан бастап Аюсай визит-орталығына дейін және кері қайтатын тегін автобустар жүріп тұрды.
Концертті QazaqGeography РҚБ және ҚР Мәдениет және спорт министрлігі мен Іле-Алатау ұлттық паркінің қолдауымен Аюсай визит-орталығы ұйымдастырды.
Құрманғазы атындағы оркестрдің ғасырлық тарихы бар, оның репертуарлық қорында 3500-ден астам туынды бар. 81 талантты музыканттардан тұратын оркестр ұжымы жас дирижер Абылай Тілепбергеннің жетекшілігімен еңбек етіп, қазіргі уақытта әлемнің 80-ге жуық елін аралап шықты.
«Біз ұйымдастырушылардың қазақ композиторларының сүйікті шығармаларын біздің тау баурайымызда тікелей орындау туралы ұсынысына еш ойланбастан келістік. Бұл музыка керемет табиғатымызбен тамаша үйлеседі», - деді концерт басталар алдында оркестрдің дирижері Абылай Тлепберген.
Оркестр Құрманғазы, Дәулеткерей, Шәмші Қалдаяқов, Жорж Бизе, Арам Хачатурян және т.б. көрнекті қазақстандық және шетелдік композиторлардың шығармаларын орындады. Сондай-ақ, Құрманғазы оркестрі көрермендердің ыстық ықыласына бөленді.
Концерт соңында музыканттар Нұрғиса Тілендиевтің атақты «Махамбет» туындысын белгілі қоғам қайраткер Батыр Қазыбаевты еске алуға арнады.
«Біз бұл концертті Іле-Алатау ұлттық паркіне арнауды жөн көрдік. Іле-Алатау ұлттық паркі-біздің тауларымыз бен парк қызметкерлеріміздің керемет сұлулығы, олар осы сұлулықты біз және балаларымыз бен немерелеріміз үшін сақтайды, - деп атап өтті визит-орталықтың басқарушы директоры Сәуле Мусина.