15 Қазан 2014, 12:57
Сингапур елінің университеттері жайлы мақаламыздан кейін келесі кезек кенгурулар мен коалалар елі – Австралия елінің жоғарғы оқу орындарына келіп отыр. 23,13 миллион халқы бар Австралияда бар-жоғы 43 қана университет бар екен. Олардың 40-ы мемлекеттік болса, 2-і шет елдерге тиесілі және тағы біреуі жеке меншікте.
Австралия жоғарғы оқу орындарының топ-5 рейтингі:
|
Австралия рейтингіндегі орны |
Университет атауы |
Дүниежүзілік рейтинг (2014 жыл) |
Дүниежүзілік рейтинг (2013жыл) |
| 1 | Мельбурн университеті | 33 | 34 |
| 2 | Австралия Ұлттық университеті | 45 | 48 |
| 3 | Сидней университеті | 60 | 72 |
| 4 | Куинсленд университеті | 65 | 63 |
| 5 | Монаш университеті | 83 | 91 |
Мельбурн университетінің 150 жылдан астам тарихы бар. Зерттеу жұмыстары, білім беру және оқыту салалары бойынша әлемнің 150 мемлекеттерінен студенттер оқиды. Мельбурн университеті бакалавр және магистратура дәрежелерінде 300-ден астам мамандық бойынша шәкірт қабылдайды. 2013-2014 ж.ж. түлектері жұмысқа тұру көрсеткіші ең жоғары университеттер арасында әлемде 10-шы орынды иеленді. Университетте 6500 қызметкер еңбек етсе, 50,000 астам студент дәріс алады екен. Олардың 25% шетелдік студенттер.
Жекелеген мамандықтар бойынша әлемдік рейтингте Мельбурн университеті.
2. Австралия Ұлттық университеті
1946 жылы құрылған Австралия Ұлттық университетінің кампусы ел астанасы Канберрадан 5 минуттық жерде орналасқан. АҰУ бакалавр және магистратура дәрежелерінде 60 астам мамандықтар бойынша білім береді. Бұл жоғарғы оқу орнында оқу құны бакалавр дәрежесінде гуманитарлық мамандықтарға $22,464 құраса, бизнес, инженерлік, ғылым салаларындағы мамандықтарға $26,016 құрайды. Ал магистр мен докторантура оқу құны $24,768-$28,656 арасында болады. АҰУ-дегі оқуақы бағдарламаларының тізімі.
Жекелеген мамандықтар бойынша әлемдік рейтингте Австралия Ұлттық университеті.
Австралиянық университеттерінің арасында әрдайым 3-тікте жүретін Сидней университеті мемлекеттегі ірі 8 зерттеу-интенсивті жоғарғы оқу орындарының тізіміне кіреді. «Times Higher Education» әлемдік рейтингінде гуманитарлық, әлеуметтік ғылымдар мамандықтары бойынша 25 орын, инженерлік және технологиялар мамандықтары бойынша 50-ші орында тұрақтады. Білім ордасында 145 елден 50,000 астам студент білім алады. Оның 10,000-ы шетелдерден келген.
Жекелеген мамандықтар бойынша әлемдік рейтингте Сидней университеті.
Суреттердің дереккөздері: The University of Sydney, Sunitafe.edu , abc.net.au, Oztrekk