Түркістан облысы Шардара ауданындағы ауыл мектебінің түлектері көпбалалы отбасыға қуаныш сыйлады, деп хабарлайды El.kz ақпарат агенттігі.
Алатау батыр ауылдық округі С.Кәттебеков мектебін 2005 жылы бітірген 20 жылдық түлектер жалғызбасты көпбалалы анаға баспана кілтін табыс етті.
Салтанатты шараға ауыл ақсақалдары мен ауылдық округ әкімінің орынбасары Тасов Сабит, аудандық мәслихат депутаты Қарабаев Ержан және ауыл тұрғындары қатысты.
Үлгілі іс жасаған 20 жылдық түлектерге тұрғындар мен баспанаға ие болған 5 баланың анасы Салтанат Ускебаева алғысын білдірді.