Атырауда облыстық Қазақстан халқы ассамблеясының XXІІ сессиясы өтті. Күн тәртібінде облыс әкімі, Атырау облысы Қазақстан халқы Ассамблеясының төрағасы Нұрлан Ноғаев кіріспе сөзімен бастап, баяндама жасады.
Өз баяндамасында облыс әкімі Атырау облысы бойынша ҚХА Елбасының «Болашаққа бағдар: Рухани жаңғыру» мақаласын іске асыруда, «Ұлы Дала Елінің қасиетті мұралары» республикалық акциясы аясында, «Қазақтану» мәдени-ағартушылық жобасы аясында облыс қөлемінде 2018 жылы 220 000 адамды қамтыған маңызды іс-шаралар атқарылғанын және «Қазақтану» мәдени-ағартушылық жобасы аясында «Қоғамдық келісім» КММ-сі мен «Елсана» руханият клубы арасында меморандумға қол қойылғанын, сонымен қатар 2019 жыл Жастар жылы аясында «Жаңғыру жолы» республикалық жастар қозғалысының Жол картасы жүзеге асырылатынын айтып өтті.
Сессия барысында «Тхоньил» кәріс этномәдени бірлестігінің төрайымы Л.Ли, «Былина» орыс этномәдени бірлестігінің төрағасы А.Короблев, «Жаңғыру жолы» республикалық жастар қозғалысының Атырау облысы бойынша өңірлік штабының көшбасшысы И.Рашид сөз сөйледі.
Сессия соңында ел бірлігін нығайту, бейбітшілік пен келісімді сақтау, рухани мәдениетті дамытуға қосқан үлестері үшін этномәдени бірлестіктерінің төрағалары мен мүшелері, жоғарғы оқу орындарының оқытушылары және аудан сарапшылары ҚХА «Бірлік» алтын медалімен, «Құрмет» грамотасымен және «Алғыс хатпен» марапатталды.
