Атырау облысында аудандық полицияның жаңа ғимараты ашылды, деп хабарлайды El.kz Polisia.kz-ке сілтеме жасап.
Полицейлердің қызметіне оң ықпал етуге жақсы жабдықталған жұмыс орнының да септігі тиетіні анық. Полицияның алдында тұрған басты мақсат пен міндет – халыққа адал әрі абыройлы қызмет ету. Полицияның сервистік моделін енгізуде, сондай-ақ «жұртқа жақын полиция» қағидатын қамтамасыз ету барысында нәтижелі жұмыс атқару күн тәртібінде тұрған мәселе. Аудандық полиция бөлімінен тұрғындар игілігіне қызмет етіп алғысына бөленулеріңізді тілеймін, – деді ашылу салтанатында сөз сөйлеген Атырау облысы Полиция департаментінің бастығы Нұрхат Оразбаев.
Қызылқоға ауданы полиция бөлімінің жаңа ғимараты толықтай техникамен жабдықталған. Полицейлердің физикалық дайындығын қамтамасыз ету үшін спорт алаңы және атыс қаруын қолдану дайындығын шыңдау үшін тир де пайдалануға берілді.