Елордада 5 ақпан күні таңертең қар тазалау жұмысына 2 608 жол жұмысшысы мен 1 689 арнайы техника жұмылдырылды, деп хабарлайды El.kz ақпарат агенттігі.
Қалалық әкімдік мәліметінше, 5 ақпанға қараған түні коммуналдық қызметтер 3 757 рейс арқылы қаладан 51 мың текше метрден астам қар шығарды.
Қыс мезгілінің басынан бастап қаладан полигондарға коммуналдық қызметтер 390 181 рейсімен 4 млн 987 мың текше метрден астам қар шығарылды.
Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады, - делінген мәліметте.
Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.