Астанада кезекте тұрған азаматтар үшін «Көпбалалы отбасылар» және «Халықтың әлеуметтік осал топтары» санаттары үшін «Сатып алу құқығынсыз жалға берілетін тұрғын үй» бағдарламасына қатысуға өтінімдер қабылдау жуырда басталады, деп хабарлайды El.kz ақпарат агенттігі.
Елорда әкімдігінің мәліметінше, қабылдау мерзімі 23 қыркүйек күні сағат 09:00-ден басталып, 7 қазан сағат 18:00-ге дейін жалғасады.
Өтінімдерді қабылдау birge.astana.kz. порталы арқылы электрондық түрде жүзеге асырылады.
«Көпбалалы отбасылар» санаты үшін пәтерлер саны – 223 пәтер (оның ішінде 69 пәтер өткен кезеңнің көлемі).
«Жетім балалар, ата-анасының қамқорлығынсыз қалған балалар» санатына арналған пәтерлер саны – 154 пәтер.
«Халықтың әлеуметтік осал топтары» басқа санаттарына арналған пәтерлер саны – 458 пәтер.
Тұрғын үй түрі: сатып алу құқығынсыз жалға берілетін тұрғын үй.
Нысандардың орналасқан жері: Астана қаласы, Қорғалжын тас жолы ауданында; Нұрғиса Тілендиев даңғылы; Астана-Қарағанды тас жолы ауданында.
Қатысушыларды іріктеу кезекке қойылған күнге сәйкес жүргізіледі және отбасы құрамы ескеріледі.
Қатысуға өтінімдерді кезекке қойылған барлық жылдағы кезекте тұрғандар бере алады, алайда қатысуға өтінім бергендер арасында басқалардан бұрын кезекте тұрғандар өтеді.
Толық ақпаратты Астана қаласының тұрғын үй және тұрғын үй инспекциясы басқармасының ресми сайтынан білуге болады.