Мәдениет және ақпарат министрінің бұйрығымен Александр Совостьянов «Астана Опера» мемлекеттік опера және балет театрының директоры болып тағайындалды, деп хабарлайды El.kz ақпарат агенттігі.
Театрдың жаңа басшысы Әл-Фараби атындағы Қазақ Ұлттық университетінің «Журналистика» мамандығын бітірген. Әр жылдары медиа-индустрия саласында, соның ішінде «Нұр Медиа» холдингіне қарасты «Эра ТВ» (Жетінші арна) телеарнасында және «Астана» телеарнасына кіретін РДВ компаниясында жұмыс істеген.
2013-2019 жылдары «Астана Опера» мемлекеттік опера және балет театры директорының қоғаммен байланыс және маркетинг бойынша орынбасары болып қызмет еткен.
Александр Совостьянов бұл тағайындауға дейін «Астана Балет» театрының директоры қызметін атқарған.