Астана халықаралық форумы 2025 демеушілер есебінен өткізілетіні белгілі болды, деп хабарлайды El.kz ақпарат агенттігі.
Астана халықаралық форумы 2025 биыл тек демеушілердің қаражаты есебінен ұйымдастырылатына қатысты Мәжілістің жалпы отырысынан кейінгі брифинг барысында вице-премьер Серік Жұманғарин атап өтті.
Оның айтуынша, бұған дейін іс-шараны өткізу үшін мемлекеттік бюджеттен қаражат бөлініп келген. Алайда биыл тиісті қаулының күші жойылған көрінеді.
Форумды ұйымдастыруға жұмсалатын барлық шығын демеушілік жарнамен жабылады. Оны өткізуге бюджет қаржысы бөлінбейді, - деді ол.