Ішкі істер министрі Ержан Саденов «Синтетикалық есірткіні» өндірумен байланысты қауіп-қатерді ескере отырып, есірткі зертханаларын ұйымдастырғаны үшін жазаны күшейту туралы заңнамаға түзетулер енгізілгенін айтты, деп хабарлайды El.kz ақпарат агенттігі.
Бұл туралы ол Мәжілісте өткен Үкімет сағатында мәлімдеді.
Қазір есірткі зертханаларын ұйымдастырушылар «есірткіні өткізу мақсатында бір топ адаммен және аса ірі көлемде әзірлегені және қайта өңдегені үшін жауапкершілікке тартылады, санкциясы – 10 жылдан 15 жылға дейін бас бостандығынан айыру, - деді Ержан Саденов.
Ішкі істер министрінің сөзінше, ұсынылатын түзетулерде 15 жылдан 20 жылға дейін немесе өмір бойы бас бостандығынан айыру жазасымен ҚК 297-бабының 4-бөлігі бойынша дәрежеленетін болады.