Ақтөбеде ТЖМ қызметкерлері құдыққа құлаған адамды құтқарды, деп хабарлайды El.kz ақпарат агенттігі.
ТЖМ мәліметінше, құтқару операциясы Астана ауданының «Жаңақоныс-2» тұрғын алабында өткізілді. 1960 жылы туған ер адам тереңдігі 3 метрге жуық ашық құдыққа түсіп, өз бетінше шыға алмаған.
ТЖМ құтқарушылары жедел жетіп, құдыққа баспалдақты орнатып, сол арқылы ер адам жоғарыға көтерілді. Құтқарылған адам үйіне жеткізілді. Құтқарушылар құдықты жауып қойды, - делінген мәліметте.