Ақтөбе облыстық Полиция департаменті ұйымдасқан қылмысқа қарсы күрес басқармасының қызметкерлері гастролер-ұрыны ұстады, деп хабарлайды El.kz ақпарат агенттігі.
Ақтөбе облысы ПД ҰҚҚКБ қызметкерлері Ақтөбе қаласындағы хостелдердің бірінен Toyota Camry автокөлігін ұрлау фактісі бойынша жедел іс-шаралар өткізу кезінде көрші облыстың 33 жастағы тұрғынын ұстады. Белгілі болғандай, күдікті пәтер ұрлығы кезінде көліктің кілтін тауып, ұрланған заттарды тиеп алып көлікті айдап кеткен.
Аталған оқиғаға қатысты сотқа дейінгі тергеп-тексеру жүргізіліп жатыр.
Ұсталған адамның бірнеше облыста автокөлік айдап әкету және пәтер ұрлығын жасағаны анықталды.