30 наурызға қараған түні Алматыдан Ақтөбе облысына көмекке келген Республикалық жедел құтқару жасағы өз миссиясын аяқтады, деп хабарлайды El.kz ақпарат агенттігі.
Енді 20 құтқарушы БҚО-да су тасқынына қарсы іс-шараларға қатысады.
Жасақ Ойыл ауданының Қаратал ауылынан тұрғындарды қауіпсіз жерге көшіруге атсалысты. Олардың көмегімен 120-дан астам құтқарылған.
Облыс әкімі Асхат Шахаров қиын сәтте жерлестеріміздің жанынан табылған, оларды құтқаруға бар күшін салған қауіпті мамандық иелеріне алғысын айтты.
Еліміздегі су тасқынының өтуі - Президенттің қатаң бақылауында. Осындай қауіпті кезде сіздер мамандықтарыңызға адал екендіктеріңізді дәлелдедіңіздер. Жауапкершілік міндетін мойындарыңызға алып, қауіп-қатерге қарамастан, өз өмірлеріңізді сарп ете отырып, өңірімізге көмекке келдіңіздер. Көрсеткен үлкен ерліктеріңізге зор алғыс. Аман жүріңіздер, - деп атап өтті Асхат Шахаров.
Фото: Ақтөбе облысының әкімдігі