Бұл туралы Павлодар облыстық денсаулық сақтау басқармасының баспасөз қызметі мәлім етті, деп хабарлайды El.kz ақпарат агенттігі.
25 жасар пациент Павлодар қаласындағы №1 ауруханаға 25 мамыр күні жансақтау бөліміне жатқызылған. Денесінің 80-85 пайызын күйік шалғаны анықталды. Барлық емдеу шаралары толыққанды жүргізілгеніне қарамастан ол ауруханада көз жұмды, - деп мәлімдеді басқармадан.
Айта кетейік, 24 мамырда Ақсу ферроқорытпа зауытында оқыс оқиға болды. №6 цехта ыстық металл құйылған шөміш жарылып көтергіш кранның екі машинисі күйіп қалды. Екеуі де әйел адам. Оң жақ қолынан жеңіл жарақат алған науқастың бірі ауруханадан үйіне қайтарылды.