Ақмола облысының әкімі Марат Ахметжанов Көкшетауда тұратын тыл еңбеккері Майра Әбілпейісованы 100 жылдық мерейтойымен құттықтады, деп хабарлайды El.kz ақпарат агенттігі.
Ғасыр куәсі жұбайы Тұрлыбек Әбілпейісовпен бірге 9 бала тәрбиелеп өсірген. Кейуананың бүгінде 26 немересі, 45 шөбересі және 8 шөпшегі бар. Жұбайы Тұрлыбек Әбілпейісов Социалистік Еңбек ері болды, Қазақ КСР-нің Алтын Құрмет Кітабына енгізілді.
Майра Әбілпейісова «1941-1945 жылдардағы Ұлы Отан соғысындағы Жеңістің 55, 60, 65, 70 жылдығы мерейтойлық медальдарымен, «Еңбек ардагері» медалімен марапатталған, 2010 жылы ҚР Президентінің Жарлығымен «Алтын алқа» алқасымен наградталған.