«Бизнеске жол» жобасы аясында бизнестің 400-ден астам мәселесі шешілді, деп хабарлайды El.kz ақпарат агенттігі.
Соңғы жарты жылда Сыбайлас жемқорлыққа қарсы қызметтің ұсынымдары бойынша 20 мың кәсіпкерді қамтыған бизнестің 400-ден астам проблемалық кейстері өз шешімін тапты.
Сыбайлас жемқорлыққа қарсы қызмет пен «Атамекен» ҰКП бірлескен кеңесінде «Бизнеске жол» жобасын іске асырудың аралық қорытындысы жасалды.
Кәсіпкерлер үшін әкімшілік кедергілердің ең көп саны жер қатынастары саласына және инфрақұрылым объектілеріне қосылу мәселелеріне тиесілі. Сондай-ақ, салық және мемлекеттік сатып алу жүйелерінде елеулі проблемалар бар.
Оқи отырыңыз:
Кәсіпкерлер көбінесе орындалған шарттар үшін уақтылы төлем ала алмаған. Сыбайлас жемқорлыққа қарсы қызметтің араласуынан кейін 220 бизнес субъектілерінің алдындағы қаржылық берешектері толығымен өтелді.
Бұл проблеманы жою үшін Қаржы министрлігіне мемлекеттік сатып алу порталының функционалын пысықтау ұсынылды. Ол төлемнің кешігуін автоматты түрде анықтауы керек. Сондай-ақ, аккредитив мысалында қаржылық кепілдіктер жүйесін және лауазымды тұлғалардың бұзушылықтары үшін әкімшілік жауапкершілік мәселелерін енгізу ұсынылады.
Жоба аясында бизнес үшін жүйелі әкімшілік кедергілерді жоюға ерекше назар аударылады.
Мысалы, жер комиссияларының отырыстарында әкімдіктердің жерді жалға алуды ұзарту мәселелерін заңсыз қарау фактілері алынып тасталды. Бұл ретте комиссияның заң бойынша мұндай өкілеттіктері болмайды.
Сондай-ақ, Агенттіктің аумақтық департаменттерінің ұсынымдары бойынша бақылаушы органдардың жоспарларынан 360 кәсіпкердің қызметінде негізсіз тексерулер алынып тасталды.
Жергілікті атқарушы органдар тарапынан мониторинг түріндегі жеке бақшаларды негізсіз тексеру тоқтатылды.
Осы бағыттағы жұмыстар жалғасуда. Агенттіктің департаменттері «Сыбайлас жемқорлық тәуекелдерінің карталарын» ескере отырып, қазіргі уақытта бизнес құқықтарына нұқсан келтірген салалар бойынша жемқорлыққа қарсы мониторингтер мен тәуекелдеріне талдау жүргізеді.