Өткен демалыста Аустрия, Италия және Швейцария аумағында Альпідегі бірнеше тау шаңғысы курортында көшкін кезінде 13 адам қаза тапты. Бұл туралы El.kz ақпараттық агенттігі ВВС-ге сілтеме жасап хабарлайды.
Аустрия билігі қар көшкіні қаупінің төртінші, екінші дәрежелі деңгейін енгізді. Тәжірибесі жоқ шаңғышыларға ашық шаңғы трассаларында, ал тәжірибелі шаңғышыларға тік беткейлерден аулақ болуға кеңес берілді. Қар көшкіні қаупі Аустрия мен Италияның солтүстігінде орналасқан тарихи Тироль аймағына жауған қалың қар мен қатты желден кейін жоғарылады.
4 ақпан күні онда 30-дан астам көшкін тіркелді. Бірнеше адам әліге дейін із-түзсіз жоғалғандар тізімінде, себебі ауа райының қолайсыздығынан құтқару жұмыстары баяулаған.
Тиісті ескертулерге қарамастан, батыс Аустриядағы тау шаңғысы курорттарында мектеп демалысына сәйкес келген 13-19 ақпан аралығында адамдар лық толы болған. Жексенбіде Аустрия полициясы бес адам қаза тапқанын, оның ішінде 59 жастағы ер адам қайтыс болғанын хабарлады. Ол үйін қардан тазартып жатқан кезде көшкін астында қалған. Құтқарушылар сонымен қатар Сент-Антон-ам-Арльбергте шаңғы гидінің және Тиролда шаңғы теуіп жүрген 62 жастағы ер адамның денесін тапты.
Сенбіде 17 жастағы жаңа зеландиялық, 32 жастағы Қытай азаматы және 50 жастағы Германия азаматының мәйіті табылды, олар белгіленген шаңғы трассаларынан тыс жерде шаңғы тепкен.
Сенбі күні таңертең Швейцарияда 56 жастағы әйел мен 52 жастағы ер адам Оңтүстік-Шығыс Граубюнден кантонында қар астында қалып қойған. Швейцария полициясы үшінші адамның аман-есен қашып үлгергенін хабарлады. Италиялық Тиролда сенбіде Бавариядан келген әйел көшкіннен мерт болды.