Алматылық блогер Артұр Асқарұлы Нью-Йорк көшелерімен жүріп, американдықтардың Қазақстан туралы не білетінін анықтады, деп хабарлайды El.kz ақпарат агенттігі.
Бұл туралы видеоны ол өзінің Instagram-дағы парақшасында жариялады.
Видеодан американдықтардың еліміз туралы аса көп мағлұмат білмейтінін аңғаруға болады. Кейбірі Ресеймен көршілес мемлекет екенін айтса, енді бірі Орталық Азияда орналасқанын біледі екен. Сөйте тұра блогер қандай да бір ақпарат айтқан тұрғындарға Қазақстан туы көрсетілген шоколад сыйлады. Сұралғандар арасында Алматыны, оның табиғаты мен көкпар ойыны жайлы білетіндер да бар болып шықты.