Алматыда «Ақкент» тұрғын үй кешеніндегі тоғыз қабатты тұрғын үйдегі пәтерлердің бірінен өрт шықты, деп хабарлайды El.kz ақпарат агенттігі.
Бүгін сағат 19.29-да 101 пультіне Алматы қаласының Алатау ауданы Ақкент шағын ауданындағы тоғыз қабатты тұрғын үйлердің бірінде 5-қабаттағы пәтерде ас үйде 0,8 шаршы метр алаңда ауа сорғыш жанғаны туралы хабарлама түсті. Өрт сағат 19.49-да сөндірілді. Зардап шеккендер жоқ. Өрттің 2 рангы расталған жоқ, - делінген ТЖМ таратқан хабарламада.
Алматы қаласы ТЖД азаматтарды өрт қауіпсіздігі талаптарын сақтауға шақырады.