Алматыда жедел жәрдем дәрігерлеріне шабуыл жасалды, - деп хабарлайды El.kz ақпарат агенттігі Tengrinews.kz сайтына сілтеме жасап. Оларға алғашында көмек сұрап жүгінген ер адам шабуыл жасаған.
Кезекті қоңыраудан қайтып келе жатқан кезде ер адам жедел жәрдем қызметкерлеріне жақындап, әйелге көмек көрсетуді өтінген.
Әйелді қарау кезінде ер адам дәрігер мен фельдшерді ұрып, олардың денсаулығына зиян келтірген. Қазіргі уақытта Алатау ауданы ПБ заңсыз әрекетке барған тұлғаға қатысты процессуалдық шешім қабылдау сатысында, - делінген Алматы денсаулық сақтау басқармасы хабарламасында.
Басқарма мәліметінше, бүгінде зардап шеккендердің жағдайы қанағаттанарлық, олар амбулаторлық ем алып жатыр.