ІІМ киберқылмысқа қарсы іс-қимыл департаментінің қызметкерлері Алматы қаласы Полиция департаментінің «Киберпол» тобымен бірлесіп, заңсыз sim-box құрылғысын анықтады, деп хабарлайды El.kz ақпарат агенттігі.
Polisia.kz мәліметінше, жедел іс-шаралар барысында көршілес елдің азаматы ұсталды.
Оның айтуынша, ол Тelegram арқылы жұмыс тауып, Алматыға осы жабдықты ала келген. Күдіктінің осыған ұқсас жағдай бойынша Атырауда жүргізіліп жатқан іске қатысы бары анықталды, - делінген мәліметте.
Аталған фактілер бойынша қылмыстық іс қозғалды. Ұсталған адам одан әрі тергеу әрекеттерін жүргізу үшін прокуратураның келісімімен уақытша ұстау изоляторына қамалды.