Алматыда Республика күнін мерекелеуге арналған бірқатар мәдени іс-шаралар жоспарланған. Олардың қатарында концерттер, спектакльдер, көрмелер, халықаралық фестиваль, қайырымдылық қойылымдары және мүмкіндігі шектеулі балаларға арналған иппотерапия бар, деп хабарлайды El.kz ақпарат агенттігі.
Қалалық әкімдік мәліметінше, Республика күнін мерекелеу кезеңінде 21-24 қазан аралығында мемлекеттік қуыршақ театрында (Пушкин көшесі, 63) «ALMATY PUPPET FESTIVAL» II Халықаралық қуыршақ театрларының фестивалі өтеді. Қазақстан, Қытай, Польша, Чехия, Болгария, Грузия, Түркия, Әзербайжан, Өзбекстан және Ресейден келген әртістер көрермендерге үздік қуыршақ спектакльдерін ұсынады. 21 қазан күні сағат 18:00-де Абай атындағы Қазақ ұлттық педагогикалық университетінде (Достық даңғылы, 13) «Жаңа Ғасыр» театры «Соңғы қоңырау» қойылымын ұсынады.
22 қазан күні сағат 16:00 – де «Алатау» дәстүрлі өнер театрында Республика күніне арналған «Атамекен-айбыным» атты мерекелік концерт өтеді. Сахнада ҚР Мәдениет қайраткері, дәстүрлі әндерді орындаушы Алма Аманжолова, эстрада әншісі Марал Анарбек, әнші Сандуғаш Стамғазиева және т. б. өнер көрсетеді. сол күні сағат 18:00-де ҚР Жас суретшілер одағының мүшелері «Сағындырған әуендер ай» көрмесінде өздерінің картиналарын, графикалық және акварельдік жұмыстарын, мүсіндерін, сәндік-қолданбалы өнер бұйымдарын ұсынады, ол Almaty Gallery - де өтеді (Достық, 44). Онда камералық оркестрдің әртістері атақты классиктердің әйгілі классиклық әндерін орындайды. Оркестрмен бірге ҚР еңбек сіңірген қайраткері, Өзбекстанның еңбек сіңірген әртісі, опера әншісі Джамиля Баспакова, сондай-ақ халықаралық конкурстардың лауреаттары Олег Татамиров, Дамир Сәдуақасов және Диана Самыкенова ән шырқайды.
23 қазан күні сағат 12:00-де Ықылас атындағы ұлттық музыкалық аспаптар мұражайында камералық оркестрдің қатысуымен «Ақ жауын» концертін өтеді. Осы уақытта Қазақ мемлекеттік циркінде «Пілдегі жолбарыс» қайырымдылық шоуы өтеді. Цирк қойылымына аз қамтылған және көпбалалы отбасылардан шыққан 1700 бала, сондай-ақ қала тұрғындарының мобильділігі төмен топтары шақырылды. Манежде әуе гимнасттары, акробаттар, эквилибристер, клонудар, сондай-ақ үйретілген пілдер, голландиялық фриздер және астрахан түйелері өнер көрсетеді.
Негізгі салтанатты концерт 23 қазан күні сағат 15:00-де Республика сарайында өтеді. Іс-шараға аты аңызға айналған «Дос-Мұқасан» ансамблі, A'Studio тобының негізін қалаушы, продюсер және композитор Байғали Серкебаев, Қазақстан Республикасының еңбек сіңірген қайраткері, «Дарын» Мемлекеттік сыйлығының лауреаты, белгілі домбырашы-күйші Асылбек Еңсепов және басқа да әртістер қатысады. Сол күні кешке Гоголь мен Панфилов көшелерінің қиылысындағы метрополитен алдындағы ашық алаңда қаланың би командалары арасындағы патриоттық элементтері бар Almaty Street Battle көрмесі өтеді.
24 қазан күні сағат 10:00-ден бастап Алматы музейінде «Тарихи дерек-елдігімнің бастауы» көрмесі жұмыс істейді. Сағат 11:00-де Қазмемцирктің левадасында мүмкіндігі шектеулі балаларға арналған иппотерапия-қайырымдылық акциясы ұйымдастырылады. Сағат 15:00-де Қазыбек би көшесінен Абай даңғылына дейін Достық даңғылында Қазақстанның мемлекеттік туларын көтеретін жас қазақстандықтардың қатысуымен патриоттар шеруі өтеді. Мерекелік колонна шеруі Республика Сарайының алдында Әнұранды орындаумен аяқталады.
Республика күні, 25 қазан күні сағат 11:00-де «Медеу» БСК-да мемлекеттік туды көтеру және Қазақстан Гимнін жаппай орындау салтанатты рәсімі өтеді. Іс-шараға қала жастары, қоғам қайраткерлері, Алматы мәслихатының депутаттары және Қазақстан халқы Ассамблеясының өкілдері қатысады. Сол күні сағат 11:00-де Нұрғиса Тілендиев мемориалдық мұражайында «Өз елім» мерекелік іс-шарасы өтеді.
Сондай-ақ мерекелік іс-шаралар қаланың барлық аудандарында өтеді:
- Бостандық ауданында 22 қазан күні сағат 10:00-де мемлекеттік туды көтеру салтанатты рәсімі және Алматыдағы М. Есболатов атындағы академияда «Мәңгілік жаса, Қазақстан» мерекелік іс-шарасы өтеді;
- Әуезов ауданында 22 қазан күні сағат 11:00-де Н. Сац атындағы мемлекеттік академиялық театрда «Байтақ елім, Қазақстан» патриоттық мерекелік концерті өтеді. 24 қазан күні сағат 15:30-да Алматыдағы Б. Момышұлы атындағы республикалық «Жас Ұлан» мектебінде Мемлекеттік Туды көтеру және Қазақстан Әнұранын жаппай орындау салтанатты рәсімі өтеді;
- Алатау ауданында 22 қазан күні сағат 16:00-де «Алатау» дәстүрлі өнер театрында (Нұркент ш/а) Республика күніне арналған салтанатты іс-шара өтеді.
- Түрксіб ауданында 23 қазан күні сағат 11:00-де №7 Оқушылар үйінде (Нұрсая көшесі, 4а) Республика күніне арналған «Тоғыз құмалақ» ұлттық ойынынан қалалық турнир өтеді. Сағат 19:00-де республикалық академиялық Неміс драма театрында (Папанин көшесі, 70/1) «Samruk» заманауи би театрының концерттік бағдарламасы өтеді. Республика күніне арналған салтанатты концерт №6 оқушылар үйінде (Сейфуллин даңғылы,13/1) 24 қазан күні сағат 17:00-де өтеді;
- Медеу ауданында 23 қазан күні сағат 12:00-де Каспий университетінде (Достық даңғылы, 85а) мерекелік концерт және Республика күніне орай Алғыс хаттармен марапаттау өтеді;
- Алмалы ауданында Республика күніне арналған мерекелік іс-шара 23 қазан күні сағат 12:00-де Қазақ ұлттық қыздар педагогикалық университетінде (Гоголь көшесі, 114) өтеді. №4, 33, 20 кітапханаларда кітап көрмелері өтеді;
- Наурызбай ауданында 24 қазан күні сағат 12:00-де (Шұғыла 347/4) мерекелік концерт өтеді. 25 қазан күні сағат 12:00-де Амфитеатр аумағында мерекелік концерт өтеді (Шұғыла 347);
- Жетісу ауданында Республика күніне арналған концерт 25 қазан күні сағат 11:00-де Көкжиек ш/а (жаяу жүргіншілер аймағы) өтеді.