Алматыда былтыр күзде жоғалып кеткен 15 жастағы қыз табылды. Бұл туралы LIDER.KZ еріктілері Instagram-дағы парақшасында мәлім етті, деп хабарлайды El.kz ақпарат агенттігі.
Коваленко Валерия Денисовна, 2009 жылы туған, 2023 жылғы 24 қарашада жоғалып кеткен. Ол сағат 23:00 шамасында Іле ауданы Боралдай ауылы Әзербаев көшесі, 102 үй мекенжайындағы үйінен шығып кеткен. Содан бері оның қайда екені беймәлім болды.
Еріктілердің айтуынша, жоғалған қыз биыл сәуір айында табылған. Қыздың нақты қайдан табылғаны және басқа да деректер әзірше айтылмады.