Алматы облысының полицейлері пәтер ұрыларын қолға түсірді, – деп хабарлайды El.kz Polisia.kz-ке сілтеме жасап.
Алматы облысы ПД бастығының нұсқауы бойынша жедел-іздестіру іс-шарасын өткізу барысында Қарасай ауданы ПБ КПБ қызметкерлері ПД КПБ-мен бірлесіп пәтер ұрыларын ұстады. Олардың 10 қылмысқа қатысы бар екені анықталды. Шығын көлемі
– 2 млн теңгеге жуық. – Қазіргі уақытта ұсталғандар өз қылмыстарын мойындап отыр. Полиция қызметкерлері олардың басқа да осыған ұқсас қылмыстарға қатыстылығын тексеруде. Ұсталғандар бұрын бірнеше рет жауапқа тартылып, сотты болғанын айта кеткен жөн, – деді Алматы облысы ПД КПБ бастығы Асхат Данияр.
Күдіктілерге қатысты ҚР ҚК 188-бабы 3-бөлігі бойынша қылмыстық іс Қарасай ауданының ПБ тіркелді. Барлық қажетті тергеу әрекеттері жүргізіліп жатыр.