Алматы облысында 15 жасар оқушылар қатарласынан ақша бопсалаған, деп хабарлайды El.kz ақпарат агенттігі.
Қарасай аудандық полиция қызметкерлері 15 жасар қыздан ақша бопсалаған жасөспірімдердің жеке басын анықтап, олардың ата-аналарын жауапқа тартты. Бұл туралы өңірдің Полиция департаментінің басшысы Бауыржан Әленов мәлімдеді.
Тергеу аясында кәмелетке толмаған қыздар өздерінің қатарласына психологиялық қысым көрсетіп, одан ақша талап еткен, - деді ПД басшысы.
Құқық бұзушылардың жас ерекшелігін ескере отырып полиция олардың ата-аналарын жауапқа тарту туралы шешім қабылдаған. Ал іс аудандық полиция басқармасында тіркеліп, әрі қарай сотқа берілді.