16 ақпанда Алматы әуежайында ауа райының қолайсыздығына байланысты 5 рейс тоқтатылып, 60 рейс кешіктірілді, деп хабарлайды El.kz ақпарат агенттігі.
Азаматтық авиация комитетінің баспасөз қызметінің мәліметінше, 750-ге жуық жолаушы әуежай терминалында өз рейсін күтіп отыр.
Әуежай басшылығы іске жұмылдырылған, компания өкілдері жұмыс орнында жолаушыларға керек ақпаратты дер кезінде жеткізіп отыр, - делінген мәліметте.
Комитет күн райы дұрысталған жағдайда, әуе рейстерінің кестесі де қалпына келтірілетінін алға тартты.