"Қазгидромет" РМК мамандары алдағы күндерге арналған ауа райы болжамны ұсынды, деп хабарлайды El.kz ақпарат агенттігі.
Алдағы күндері кең ауқымды антициклон Қазақстан территориясының көп бөлігін қамтиды, әлі де жауын-шашынсыз ауа-райы сақталатын болады. Тек еліміздің оңтүстік жартысына циклон және онымен байланысты атмосфералық фронтальды бөлімдер әсер етеді, соған байланысты жаңбыр жауып, найзағай болады. Республика бойынша жел күшейеді. Түнгі және таңертеңгі сағаттарда елдің солтүстігінде, солтүстік-батысында және шығысында тұман күтіледі, 17-19 қыркүйекте 2-5 градусқа дейін үсік болады.
Күндіз ауа температурасы: республиканың батысында +20+28°С, солтүстік-батыста +12+23°С, шығыста +5+20°С, оңтүстікте +20+30°С, елдің солтүстігінде және орталығында +10+20°С, оңтүстік-батыста +17 + 28°С.