Синоптиктердің болжауынша, кей өңірлерде әлі де қар аралас жаңбыр жауады. Ал кейбір жерлерде + 32°С дейін жылиды.
Сәуір айында ел аймақтары жылына бастайды.
Сәуірдің бірінші онкүндігінде елдің солтүстік жартысында түнде жауын-шашын болады. Қар аралас жаңбыр, көктайғақ, күндіз нөсер жауын, оңтүстік өңірлерде найзағай болады деп болжануда. Бұл ретте республика бойынша жел 15-20 м/с күшейеді. Ал түнде және таңертең тұман түседі, – делінген "Қазгидромет" хабарламасында.
Сәуір айында:
Сәуірдің екінші онкүндігінде елдің солтүстік жартысында жаңбыр мен қар аралас жауын-шашын болады деп болжануда. Ал үшінші онкүндікте нөсер жаңбыр жауады.
Оңтүстік өңірлерде және еліміздің батысында күндіз ауа +23 +32°С дейін жылынады. Дегенмен +10 +18°С температуралық фондағы салқын күндер де болады.