Астана-Алматы бағытындағы KC996 рейсінде жолаушылардың бірі экипажға ұшақта бомба бар екенін айтқан, деп хабарлайды El.kz ақпарат агенттігі.
Air Astana компаниясының мәліметінше, жолаушылар мен экипаж штатты режимде эвакуацияланды.
Әуе кемесі тексерілді. Рейс 6 сағат 29 минутқа кешікті. Әуе компаниясы аталған рейстің жолаушыларын тамақпен қамтамасыз етті. Бомба туралы ақпарат расталмады, - делінген ақпаратта.
Жалған ақпарат таратқан жолаушы құқық қорғау органдарына беріліп, 273-бап бойынша қылмыстық іс қозғалды.