Қазақстан футбол федерациясына қатысты қылмыстық іс тергеліп жатыр, деп хабарлайды El.kz ақпараттық агенттігі.
Алайда Қазақстан футбол федерациясының бұрынғы басшысы Әділет Барменқұлов осы істе күдікті ретінде қарастырылмаған.
Бұл туралы Қаржылық мониторинг агенттігі төрағасының орынбасары Жеңіс Елемесов айтты.
Бізде жымқыру дерегі бойынша Қазақстан футбол федерациясына қатысты қылмыстық іс бар. Қазіргі уақытта сотқа дейінгі тергеудің басқа деректерін айта алмаймын. Мен тек прокуратурамен келісілген сотқа дейінгі тергеу деректерін ғана жариялай аламын... Барменқұловты күдікті ретінде қарастырмадық, - деді Жеңіс Елемесов тілшілер сұрағына берген жауабында.