Абай облысының республикалық маңыздағы күре жолдарында қозғалысқа уақытша шектеу енгізілді, деп хабарлайды El.kz «ҚазАвтоЖол» компаниясына сілтеме жасап.
Абай облысының барлық республикалық автомобиль жолдарындағы қозғалыстың уақытша шектелгені белгілі болды.
2022 жылғы 7 желтоқсан сағат 22.30-дан бастап ауа температурасының -30 С-тан төмен болуына байланысты жол қозғалысына қатысушылардың қауіпсіздігін қамтамасыз ету үшін облыстағы дизельмен жүретін және жүк көліктерінің қозғалысы уақытша шектелді. Төмендегі тасжолдар жабық: «Семей-Ресей Федерациясының шекарасы»; «Семей-Қайнар»; «Омбы-Майқапшағай» 587-733 шақырым арасы (Павлодар облысының шекарасынан Семей қаласына дейін) және 756-906 шақырым арасы (Семей қаласынан Қалбатау ауылына дейін), - делінген хабарламада.