Жыл басынан бері Абай облысының полицейлері алименттен жалтарып жүрген 130-тан астам борышкерді анықтаған, деп хабарлайды El.kz ақпарат агенттігі.
Соңғы тәулік ішінде өңірде алимент төлемей жүрген 2 адам анықталды.
Аягөз ауданы полиция бөліміне жеке сот орындаушыларынан кәмелетке толмаған балаларын асырауға алимент төлемеген және оларға 3 млн теңгеден астам қарыз болған алимент төлемеушілерді іздестіруге жариялау туралы 2 қаулы келіп түскен.
Іздеу іс-шаралары барысында көші-қон қызметінің қызметкерлері бір тәулік ішінде борышкерлердің орналасқан жерін тапқан. Енді сот орындаушылары қарызды өндіріп алады.