Премьер-министрдің бірінші орынбасары Роман Скляр баспасөз брифингінде «9-20-25» ипотекалық бағдарламасының қашан іске қосылатынын айтты, деп хабарлайды El.kz ақпарат агенттігі.
Бұл бағдарлама «Отбасы банк» пен республикалық бюджет есебінен бірлесіп қаржыландыру арқылы іске қосылатын болады. Бұған дейін Әлихан Смайылов атап өткендей, аталмыш мәселе пысықталды. Бағдарлама белгіленген мерзімде жүзеге асырылатын болады, – деді Скляр.
Журналистер «Демек, сіз бұл ипотекалық бағдарлама 1 наурызда іске қосылатынын растайсыз ба?» деп қайта сұрады.
Роман Скляр бұл сұраққа «иә» деп қысқа қайырды.