Премьер-министр Әлихан Смайылов «Қазақстандықтардың зейнетақы қорынан алынып, энергетиканы дамытуға салынған 1,5 трлн теңге қаржысы күйіп кетпей ме?» деген сауалға қатысты түсініктеме берді, деп хабарлайды El.kz ақпарат агенттігі.
Үкімет басшысы қазақстандықтардың ақшасы міндетті түрде қайтарылады деп уәде берді.
Үкімет бұл қаражаттың республикалық бюджет немесе квазимемлекеттік сектор қаражаты есебінен қайтарылуын міндетті түрде қамтамасыз етеді. Бұл қарыз ретінде қызмет көрсету бюджетінде көрінеді. Үкімет өз міндеттемесіне алғандықтан, міндетті түрде осы қарыздарды өтеуге қаражат қарастырылады. Сондықтан бұл қаражаттың қайтарымы қамтамасыз етіледі, - деді Смайылов.
Оның сөзінше, инвестиция ақша құнсызданып кетпеуі үшін жасалып отыр.
Салымшылардың активтерін тек осы қаражатты қандай да бір кіріс құралдарына инвестициялау арқылы көбейтуге болады. Осы инвестициялық стратегияға сәйкес зейнетақы қоры салымшылардың қаражатын инвестициялауды жүзеге асырады, бұл активтердің мөлшерін олар нарықтық негізде жүзеге асыратын салымдар бойынша кірістілік есебінен көбейтеді. Нарықтық мөлшерлемелер бойынша және қайтарымды негізде айтып отырмын, - деді премьер-министр.
Ол Бірыңғай жинақтаушы зейнетақы қорының міндеті салымшылардың зейнетақы активтерінің сақталуын қамтамасыз ету және көбейту екенін айтты.
Оның айтуынша, Үкімет қаржыландыруды қажет ететін индустрияландыру, көлік, инфрақұрылым салаларындағы ірі жобаларды қарастыруда.
Біз әр түрлі қаржыландыру көздерін, соның ішінде зейнетақы қорының қаражатын осы мәселелерді Ұлттық банкпен бірлесіп пысықтап жатырмыз, - деді премьер-министр.
Айта кетейік, энергетика саласын дамыту үшін БЖЗҚ-дан 1,5 триллион теңге бөлу туралы шешім қабылданған еді.