Еуропада өсіп, елге туған анасын іздеп келген қазақ бала Жәнібектің ісіне қатысты іс қозғалды. Бұл туралы Жәнібектің Қазақстандағы заңды өкілі, журналист Қымбат Досжан мәлім етті, деп хабарлайды El.kz ақпарат агенттігі.
Арқалыққа арнайы барған «Бармысың, бауырым?» хабарының жүргізушісі Қымбат Досжан қазір он шақты әйелге күдік түсіп тұрғанын да жасырмады.
Арқалықтан Астанаға жолға шықтық. Осы сапардың басты мақсаты - қылмыстық іс қозғалды. Он шақты әйелге күдік түсіп тұр. Жәнібектің Қазақстандағы заңды өкілі ретінде қылмыстық іс зерттеп аяқталмайынша барлық мәліметтерді жариялауға құқым жоқ. Осы орайда көмек қолын созған Арқалық қаласының әкімі Әмірхан Біркенұлына, қалалық полиция басқармасының басшысы Орал Тумырзаұлына, басқа да полиция қызметкерлеріне, әріптесіміз Бағдат Мұхтарұлына алғысымызды білдіреміз, - деді ол Instagram парақшасында.
Айта кетейік, бүгінге дейін Айгүл есімді анадан ДНҚ сынамасы алынғанын жазған едік.